ملتان کے آم، مہینہ بہ مہینہ

پاکستان میں آم کا موسم تقریباً پانچ ماہ چلتا ہے، مئی کے وسط میں سندھ سے شروع ہو کر ستمبر کے آخر میں پنجاب تک۔ پنجاب کا پھل سندھ سے تقریباً تین چار ہفتے بعد آتا ہے۔

جون

سندھڑی بڑا اور رسیلا، سفر میں اچھا رہتا ہے۔ دسہری جلدی آتا ہے مگر نازک ہے۔ لنگڑا پکنے پر بھی ہرا رہتا ہے، اس لیے خریدار اکثر کچا سمجھتے ہیں۔

جولائی

انور رٹول چھوٹا مگر بہت میٹھا، موسم صرف تقریباً یکم سے پچیس جولائی۔ چونسا ملتان کی پہچان، جولائی کے شروع سے وسط اگست تک۔

اگست اور ستمبر

سفید چونسا موسم کے آخر کا تحفہ، اور دیر تک چلتا ہے۔

قدرتی طریقے سے پکانا

پنجاب میں کیلشیم کاربائیڈ سے آم پکانا غیر قانونی ہے۔ قدرتی طریقے سے پکنے میں توڑنے کے بعد تقریباً پانچ سے سات دن لگتے ہیں، اسی لیے ہم سخت پکے آم بھیجتے ہیں جو آپ کے گھر پک جاتے ہیں۔